بصراحة كده من غير مقدمات
هبدأ كلامى وأقول الآت
انا بنت جدعة زى كتير من البنات
عمرى ما مشيت مع ولد ولا كنت بقضيها اشتغالات
وف طريقى دايما امشى زى العسكر فى ثبات
لا احب اتمايع ولا الفت ليا النظرات
عايزه اتجوز واعيش فى تبات ونبات
بس اتجوز واحد ملوش سابق علاقات
عنده مبادئ ومبيضحكش على البنات
كمان يكون متدين ومفيش مانع يكون وسيم
يفهمنى ويعاملنى بالاحترام والدين
كل الناس بتحبه وابوه وامه عليه راضيين
لا عمره يمسك سيجارة او يقول لفظ مهين
متاخذونيش يا جماعه انا جايز سرحت حبتين
دا شخص عشان الاقيه ممكن ادور سنين وسنين
ومين عالم مش يمكن الاقيه قدامى فى غمضة عين
المهم انى مش هتنازل واتجوز شخص عادى
عرف اميرة وندا وهنادى
وعلى الكورنيش ياما شبك ايادى
ولما ييجى يتجوز آل عايز واحده خام
لاعرفت ميدو ولاذكى ولا بسام
بالذمه دا مش يبقى حرام
اه والنعمه دا يبقى حرام
