كتير بنتعرض لمواقف او بنشوف حقائق تدعو لليأس والاحباط وساعتها بتسود الدنيا في عيونا ونحس بالضياع لكن اذا وقفنا شوية مع نفسنا هنلاقى ان اليأس والاحباط مش بيعمل حاجة الاانه بيدمرنا ويخلينا واقفين مكاننا بنستنى الموت لكن اذا دورنا على الامل وتمسكنا بيه هنلاقي حاجة نعيش علشانها. هيكون لحياتنا معني بهدف نسعي لتحقيقه ويكون عندنا امل وواثقين اننا هنحققه.
لما كان مدرس في المدرسة يحكيلنا عن حال البلد واللي احنا فيه كنت بزعل اوي وساعات احس انه مفيش لازمه نكمل تعليمنا طالما احنا كده كده ورا وكل اللى قبلنا مش قادرين يعملوا حاجه لكن بسرعة كنت اتخلص من الشعور ده وارجع اتمسك باحلامى والامل في تحقيقها ولما دخلت الجامعة فهمت اكتر وصورة البلد وحالها وضحت اكتر لكن اللي فهمته اكتر انه مفيش تقدم ولارقي الا با الامل لازم يكون لكل واحد مننا هدف عايز يحققه ومش هيكون لينا هدف الا اذا كان عندنا امل اننا نقدر نححققه وواثقين من ده.
وعلشان كل ده حبيت اطلق مدونتى مع مبدأ الامل من اجل الحياة .
واليكم هذا:
عجبي عليك يا انسان شايل الهم وتعــــــــــــــبان
ماترمى الهم وتسيبه يمكن يزعل يوم ويخاصمك
بدل ماهوكــــــــــده على الحلوة مقاســــــــــمك
طب شوفوا مـــــعايا حــــــــــال اثنيـــــــــــــن
في مشا كل الدنــــــيا غــــــــارقنــــيـــــــــــــن
ده واحد زهـــــــــقان مـــــــن الدنيا طهـــــــقان
لا عـــــاجبه حـــــاله ولا حــــــتي خــــــــالة
شايف الدنيا ســـــوده والاحــــوال عوجــــــه
ويقوللك انا ماشتغلش الافـــي مجـــــــــــــالى
طـــــــــــــــــب ياعم خـــليك قــــاعد خــالى
وده واحـــــــــد فنان عمال بيعافر ومش زهقان
واثق فــــــــــي نفسه وبيعمل اللــــــى في نفسه
عنده يــــقيـــــــــــن ان الوقـــــت هيحيــــــــن
وعلى راي المـــثال اهو ركـــــــــب القطار
وعلى راي المـــثال اهو ركـــــــــب القطار
احــــــكم وحـــــــــدد وقــــــــــــــــول هجدد
في حياتى واطـــــور واحـــــلم واتصور
دا الامل حـــــــــــياة واليــــأس وفــــــاة
ليست هناك تعليقات:
إرسال تعليق